長洲

長洲B&B 大解構 對住宿質素有高要求的客人，長洲B&B (住得好長洲東灣渡假屋) 必然是到長洲渡假的不二之選。這間具濃厚歐美氣息的民宿不知不覺已經屹立於這個小島十年了！由本來的十二間客房擴充至三十四間客房。而房間種類及服務也變得漸漸多樣化！除了住宿服務，更開始了餐飲及工藝的服務範疇！B&B 與一般渡假屋最不一樣的就是有免費早餐供應及設有24小時辦事處（大部份渡假屋的最遲入住時間設在晚上十一時前），方便住客在深夜入住。 房間種類 B&B房間主要分佈於長洲2個地點: 東灣及北社。而全部都需在東灣主樓附近的登記處辦理入住手續。東灣主樓與北社的房間距離約七八分鐘的步行距離，而東灣主樓會較接近碼頭。東灣的地理會較方便，鄰近東灣沙灘及餐廳。而北社則更貼近居民社區，較為幽靜。   而種類大約可分為兩種，雙人房及家庭房。而雙人房也有細分數種類型： 雙人房 標準房 標準房的設備基本上與高級房無異，有一個透明玻璃浴室（設浴簾）。而一般渡假屋沒有安排的個人清潔用品，B&B 乜細心照顧周到。牙具，毛巾淋浴露及洗頭水都一應俱全。但標準房的面積是眾多房型中最小的，大約120呎。雙人床的呎吋為4.5 x 6呎。   高級房 高級房則比標準房較為寬敞，大約160呎。與標準房比較的話，個人會較為推介高級房，因為價錢一般相差不太遠，而且高級房設有窗戶，感覺較為開揚舒適。床的尺寸也較標準房為大，是5 x 6 呎的Queen size 雙人床。由於價錢合理，環境舒適，高級房是最受房客歡迎的房種。   高級房(2-3人） 如果同行人數是3位，不妨考慮北社的高級房。北社的高級房會比東灣的高級房更為寬闊。面積為220呎，而且可最多加至三人，第三位房客需另加＄100，價錢已包括加床費（梳化床）及第三位房客的早餐費用。三人同行會非常划算。如果二人入住的話，價錢會跟一般的高級房一樣，所以如果希望入住較寬闊的房間，北社的高級房會是你最佳的選擇！ 維也納風格 維也納風格有分A房及B房，裝修風格大同小異，木材都是由奧地利直接運送。房間的設備裝潢甚具奧地利風情。維也納風格的房間位置東灣副樓。亦是B&B最新的房間，建成只有大約一年左右，房間非常新。 家庭房 北社家庭房 而家庭房方面，B&B北社就提供了四百五十呎的四至六人房（一般350呎的渡假屋可容納6-8人），比一般的渡假屋實在寛敞舒適得太多了！而長洲的華威酒店也沒有類似的家庭房，所以同行人數是4-6人的話，這房間必定是holimood最推薦的長洲住宿，可惜房間數量少，供應非常緊張，記得提早至少兩至三星期到holimood 的網站查看房間供應。而特色方面就是有兩個洗手間連浴室，還有一個私人的小露台可以看看街景呢。   Lock of Love @Cheung Chau 而B&B也為長洲打造了另一個熱點 – Lock of Love, 遊人可以到B&B 登記處旁邊的附屬店購買木牌或鎖。價錢由$20 起，大家可以在鎖上寫上及畫上你的心意。而掛滿繽紛顏色的Lock of Love 自然成為了長洲的必到影相位。 如果你對畫畫沒有什麼天份而又想做一個關於你的木牌鎖，還可以請藝術家幫你設計。 而Charlotte 就是畫出這些令人心情愉悅的幕後藝術家！ 這些工藝品都是出自她的手筆哦！ 而Charlotte 還設計了多款Henna，有興趣試試Henna的朋友可以到這裡看看！ 店內環境寬敞，擺放了幾張長桌供客人繪畫心型木牌。   Eggenberg Island Café & Bar 艾堡餐廳 艾堡餐廳在東灣副樓的地下，是近年新開的B&B 附屬餐廳。在門口擺放了多張高腳枱，情調及環境都很好，很適合晚上在這裡小酌兩杯，餐廳賣的酒很特別，不是一般的hoegaarden, Corona. 主打的是奧地利的 Eggenberg Beer。 而餐廳主打德國菜，內裡裝潢極Warm呢。而德國菜自然少不了豬手，而這裡的豬手真的非常讚，真正皮脆肉嫩。 看完是否已經非常心動呢？立即到holimood.com.hk 以優惠價預訂長洲B&B的住宿，計劃你的下個 Staycation 吧！   立即預訂！   更多相關住宿優惠介紹  

海傍美食店 – 炸XL size 芒果糯米糍 炸XL size芒果糯米糍 $18 | 好久沒有來長洲!今次發現好多進化小食，當市區一大堆所謂長洲糯米糍，推介這裡特有的加加大炸芒果糯米糍! 外脆內軟糯，外熱內冷，口感非常的特別，整個有一隻手這麼巨大，非常喜歡! (8.5/10)

  Even in the busiest times of new year, there’s always a way to connect with your beloved ones #hkigfoodie is delighted to share with you their well spent weekend at Cheungchau, residing at B&B Tung Wah Guest House holiday flat! It’s surely a perfect spot for couples/ buddies to spend a relaxing night at the exotically designed accommodation! What’s more, the package provides you the perfect combo of ‘Bed and Breakfast’ so you needn’t bother finding the pleasant dine-in experience for supper. The environment, including the dining area, was…

成日碌碌下Facebook見到人地post d sweet sweet圖， 心諗:「點啊又post閃光彈！」口裏說不，身體卻很誠實，隻手不知不覺就秒like左。情人節就到，你今次仲唔把握機會放閃還擊，諗好點呃like未呢？未諗既不妨參考下以下呃like攻略：    1. 扮chok唔望鏡（呃like指數：★★★★) 影相唔係要下下望到個鏡頭實一實咁死板，有時嘗試下擺唔同Sweet爆pose，再揀個有Feel嘅地方做背景，閃光彈威力即刻提升十倍。自覺型男型女，可以嘗試側側身，再chok番第一次見到對方嘅甜蜜眼神，淨係個眼神就足夠令睇個位起哂雞皮啦！完全係「多少往事甜在心頭」~~~    2. 扮地道 （呃like指數：★★★） 「男人一生，只為尋覓一個肯同自己挨麥記嘅女人」是咁的：俾你揀，你話你怕偽ABC定真港女？ 我會話係怕偽ABC嘅真港女。”Omg i think呢個steak都ok，but我expect係再貴多a little bit嘅restaurant” 其實，間中食下d地道野，見到個女仔一串魚蛋、一個茶記通粉都甜到漏，真係想hashtag #好女仔！拿！有版你睇架！宋熙年陳智燊D結婚相都有架。Facebook見到都忍唔住like啦！   3. 扮旅行 (呃like指數：★★★★★) 見到人地係Facebook post旅行圖，總係會好鬼葡萄。如果係情侶嘅話，post旅行相更充分表現到關係嘅昇華，like指數一定直線飆升！   不過你又心諗:「這些機會……哪有錢」，其實唔去外地，留在香港都有平平地又有度假風情嘅地方，不妨relax下之餘又取個景呃個like，唔講真係以為我去左歐洲乜乜乜…   4. 影食物 （呃like指數：★★★★） 不論時間、地域、年齡，影食物係絕對呃到like，不過多與少就好睇你造化。下面有3個level，睇下你carry到幾多 ：   Level 1. 拎野飲 拎野住杯五顏六色嘅野飲，chill chill地度假feel出曬呢！ Level 2. 有咁高企咁高 為左影一張相可以去到幾盡？！企上張櫈影就基本啦！而若咁啱又得咁橋你另一半生得高大威猛嘅話，都可以做到相同效果嘅……     Level 3. 搵D心心形狀/愛情相關字眼既食物 情侶嘅合照本身已經夠哂閃，仲要加埋心心食物，閃得黎又帶D含蓄，兩口子賣萌無難度，係影食物最高境界，簡直殺你朋友一個措手不及：        偽文青（呃like指數：★★★★★） 情侶去飲飲食食影相，你可能會覺得好普通，但只要你為張相加入文青元素，成件事升曬呢。所謂文青元素，唔淨係要你打一段感性字句或者勁Chok樣去影相，而係用行為去展示你嘅藝術天份，就好似呢張圖咁，男人專注去完成傑作，加埋每一位「成功男人」背後都一定有嘅女人，張相嘅構圖直頭融合左「後現代藝術」同細水長流愛情結晶品！！！唔like唔得啦！   想一次過去曬5個打卡點？Hoilmood於二月推出各種長洲優惠，反應熱烈，要book要玩就要趁早！   【$750入住長洲人氣B&B + 浪漫二人德國晚餐 + 雙人田園早餐】：立即進入了解 【期間限定!】長洲食買玩coupon

真・水果雪條 冬天涷冰冰，最好就同你另一半黎一個Ice Lolly Challenge. 而天寒地涷嘅天氣，我竟然發現長洲嘅洲啤工房門口有人排隊買雪條。於是我就去試一試呢條水果雪條。 唔好講味道，淨係外型已經夠討好，青色密瓜配橙黃蜜桃，仲有朵奇異果花喺中間。四個字：賞心悅目。 材料有新鮮密瓜、蜜桃、菠蘿同奇異果。真係好Fresh，無糖無色素。一啲都唔甜，咬落水果道非常清甜。啱晒去邊都要食水果嘅我。（小提示，由於雪條太涷，建議等3, 4分鐘先食味道會更好！） 呢個自家制嘅真・水果雪條其實人氣一直高企，係店內最熱賣嘅雪條，如果你要我用12蚊黎考慮食一杯超artificial 嘅M記麥旋風定係呢條真・水果雪條。 我諗我啞都識答你係後者。 當我讚完看鋪姐姐啲雪條後而又知道我係holimood 嘅小編後，立即熱情送多以下2支雪條俾我⋯⋯影相。 除左密瓜打汁做Base, 仲有西瓜汁。材料一樣。（未食，等大家Comment） 冰水果串（$20)，材料有提子，西瓜，菠蘿，密瓜，蜜桃。其實味道同雪條差唔多，但啖啖果肉，實在係爽。但天氣實在太涷，大家小心食到痴住條脷。再次溫馨提示，等3, 4分鐘先食，味道更佳，更安全。 洲啤工房 地址：長洲東灣道16號

懷舊風味 – 新照記 因為傳媒的大量報導，作為羊群一員的我當然不免俗地來了長洲的新照記尋找回憶中的糕點，購買期間跟新照記的婆婆及姐姐們有了以下的對話： 我：「你哋成日都好多雜誌介紹，好出名喎，我朋友好鍾意食你啲芝麻糕架。」 婆婆不忍失笑：「其實我哋開左十幾廿年，係呢幾年先多人識咋嘛。」 我：「你哋除咗啲糕之外，聽講啲特大雞脾，$25 一隻嗰啲都好出名架喎！」 姐姐繼續說：「啲雞脾賣咗咁多年都無人講，係呢排先多人嚟買，其實咪又係嗰啲雞脾。其實啲野好唔好食係啲人寫出黎咋嘛。」 那一刻我完全醒過來，簡直一言驚醒夢中人。當我驚魂未定之際，也不忘買糕點回去孝敬父母。 於是我就再問：「咁你覺得你呢度最好味係乜嘢呢？」 姐姐猶疑了兩秒，指著以下的芋頭糕。 由食物說到度假屋，東灣路多年的變遷，還有我家鄉的芋頭糕。不知不覺間便花了十多分鐘來買兩件簡樸的芝麻糕。 新照記其實除左芝麻糕外，仲有紅荳糕、桂花糕、馬豆糕、綠豆糕、南瓜糕、馬蹄糕、紫米糕……總之都係懷舊系列的糕點。   齒頰間留下的味道不只是甜味，是古早味。糕點的味道不是我此行的重點，而是尋找童年所吃過的﹑慢慢被時間沖淡的味道。 地址：長洲東灣道18號 電話：2986 9006

時間沖不走的夢 綿花百貨 如果你都經常到訪長洲，你必定會留意到棉花百貨這間小店，原來它已經陪伴了我們超過十年，一踏進門口還是當年那熟悉的味道。Kris 年輕時就已經愛上長洲這個小島，曾經在年輕時搬進長洲住，並在長洲開設綿花百貨，一完少女心願。轉眼間，十多年已經過去，而Kris還是當年響往自由的少女。與她的對話可以看出她的少女心還在，但郤比一般的少女多了一份對人生開悟的感覺。 如果你到過綿花百貨，可能你都會對綿花百貨這個名字感到有點莫名奇妙，因為店內是什麼都有，由戎指、項鍊、衣服到袋都有，但就見不到綿花。原來剛開店時，Kris喜歡一些特別的綿製衣品，都是一些比較有特色的中國風衣品，但隨着自己的轉變，喜歡的東西愈來愈多，最後她把自己喜愛的東西都放進這小店內售賣，其實小店應叫Kris百貨才對，但Kris也不想再改名了「反正都是百貨，哈哈！」Kris隨性的性格由此可見。 Kris 的小店夢不但沒有隨著歲月流逝，最近她更在長洲開了另一間小店，繼續向世界各地的人分享她喜愛的。 棉花百貨 地址：長洲東灣路一號 電話：2981 3222 Remember 花布貓窩 地址：長洲北社街4號地下

不一樣的聖誕，在離島過聖誕節！ 聖誕節就到啦！仲未Book枱食飯又未諗節目？不如試下跟holimood 去離島過一個浪漫嘅二人聖誕啦！ 第一站 – 長洲 Cheung Chau 其實長洲有好多有情調又浪漫嘅海景套房，有部份更加有雙人按摩浴缸！而且長洲人氣景點、食點、小店都好多。係唔少香港人兩日一夜小旅行嘅首選。 長洲聖誕住宿預訂  而食飯方法，我地都推介以下餐廳！ U Can Cook 食評 Rainbow Cafe 食評 長洲其實有好多小清新嘅小店，好啱行成日。   其實長洲小店及食店都超多，想揾間好餐廳或揾行街攻略，可以睇下我地以往嘅介紹 第二站 – 梅窩 梅窩相較幽靜，我個亦都認為係一個較為浪漫嘅地方地。而梅窩亦都係以往大嶼山嘅中心，揾食都有唔少選擇！ 食店及行程推介 梅窩聖誕住宿推介 －海景渡假樂園 立即預訂梅窩住宿！ 第三站 – 南丫島 南丫島相信唔洗多介紹，燭光晚餐可以到BB海景餐廳又或者Hideout望住超有范的海景談談情。 而住宿方面南丫島都有唔少渡假屋可以選擇！ 南丫島渡假屋十二月仲做緊九折！ 立即預訂！ 最後一站 – 汀九 唔洗諗，懶人之選，淨係兩位Christmas Buffet 已經要過千，二千唔洗包埋海景房早餐已經算係幾扺！ 汀九帝景酒店住宿 ＋雙人酒店自助餐 ＋自助早餐 ＋聖誕糖果 ＄1588 – $2088 呢個懶人餐相信好快會Full，要訂襯早啦！ 自助餐已經準備左多款聖誕甜品！！！ 立即預訂帝景酒店！

東灣品茗 漁雁軒 不尋常的茶莊。這是長洲的漁雁軒 Yuandme。下圖正是他營業時的模樣。 門是半掩，門外掛著一個營業中的牌子，充滿著神秘感，入店後的顧客需繼續半掩大門保持店內幽靜的氣氛。由於店內不準拍攝，我無法在這裡揭開店內神秘的面紗。但這裡的佈置非常別緻，頗富現代美感。一點也不像一般的茶莊，恰似一所售賣精品的茶居。店內面積不大，在店的盡頭擺放了一張小茶几。是用作泡茶及客人試茶的。 逛了一會，很快就看見店內的主人Lily。Lily是一位脫俗清秀的女士，優雅之餘亦非常懂中國文化，尤其是中國的茶道。店內賣的多數是雲南的普洱，有青茶也有黑茶，而我非常有幸可以在小茶几上品嚐到 Lily 泡的廿年陳年普洱，非常之厚而甘醇。這裡不似一些學泡茶的地方，Lily 把這個地方看作為一個與人分享對茶的地方。Lily 學識非常淵博，跟她喝喝茶，聊聊天就不知不覺過了兩個小時，過了一個十分寫意的下午。 如果對茶文化或者Lily 姐姐有興趣，不妨過來碰碰運氣。（不定時開門，長洲的小店很多都是這樣，哈哈） 漁雁軒除了中國茶外，也有日本茶和有機香梘等健康生活用品。 最後送上小店的招牌貨。 地址：長洲東灣路2號 電話：29818432

Sawadee Club 長洲小手信之選 Sawadee Club 一聽就知道是一間主打泰式手工藝品的小店。主打泰式手工平安手繩，衣飾，拖鞋。 小店主打嘅平安手繩全部由泰國入口，老闆話沖涼游水都唔會甩色，同大陸貨無得比。價錢由＄6至＄10 咁多年都無加過價，仲要有過百款可以慢慢揀。 黎到長洲一定要買番條，極有小島風情。 但 Sawadee Club 令我最難以忘懷嘅唔係又平又靚嘅手繩，而係鎮店之寶”肥老闆”。 小店入面全部貨品都係肥老闆定期到泰國親手揀選。而佢嘅服務更加係獨步長洲。 無錯，就係以肥老闆專業嘅Fashion Sense 幫你襯色。只要一俾佢望到你嘅膚色，佢就可以用九秒九嘅時間幫你搵到條至Match 你嘅平安手繩。 老闆見我黑黑實實，兩下就拎左條充滿巴西風情嘅手繩幫我帶起。陽剛味即時提升十倍。 除左襯手繩，肥老闆襯衫都頗有心德。而佢手持嘅呢件就係泰國入口嘅純綿T-shirt, 老闆叫我摸摸衣料，果然一如佢所講很柔，很白，很舒服。 同HXM 嘅 T-Shirt 真係有分別，佢仲拍曬心口話呢D衫唔焗唔起粒，國貨無得比。可惜當日見唔到有啱我Size, 如果唔係我都已經買番件。 而老闆手上呢隻拖鞋亦唔係一般嘅拖鞋。傳說有好多番頭客特登番黎買。你地又見唔見到有D乜野特別呢？哈哈。 唔止男裝，女裝都有，其實成間舖D野都非常沙灘feel! 連民族袋款同背囊都有得賣，價錢都好抵！入長洲記得黎探下肥老闆啦！ 莎嘩哋Club Sawadee Club 地址：長洲新興街69號地下 電話：97484846