長洲餐廳

長洲的漫活哲學 雖然漫活 “slow life” 一詞近年非常流行，但是在市區內想找個舒適寧靜的地方放空看書實在一件非常果難的事，每間咖啡館都滿客，杯碟的碰撞聲絕不遜於酒樓。 而上月在長洲閒逛之際，我被一間毫不起眼的Cafe Restaurant – 漫活堂 的名字吸引了。 漫活堂是被活化的古建築，這建築原來已經超過一百年歷史，內裡很多的細節都保留了原有的特色。例如超高的樓底、復古的玻璃木門和紙皮石地磚都是漫活堂的靈魂。 而店內的員工很多也是熱愛小島生活的本地居民，隨便跟他們閒聊你也可以從他們身上學得很多慢活的哲學。 漫活堂的另一賣點是享受自然，店內的佈置很多都是環繞著植物及有機的概念。 而漫活堂主打的是意大利菜，有午餐、下午茶及晚餐提供。下午茶時段會有輕食、面包類的簡餐供應，是平日發呆消磨時間的好選擇。而午餐及晚餐的水準出奇地高！ 而漫活堂主打的是意大利菜，有午餐、下午茶及晚餐提供。 下午茶時段會有輕食、面包類的簡餐供應，是平日發呆消磨時間的好選擇。 而午餐及晚餐的水準出奇地高！是小編在長洲試過最好的西餐廳。 Slow Life 的咖啡處理得相當不錯，在長洲喝咖啡的話這裡無疑是首選。Rose Latte 是這裡的招牌。 一個人享受寂靜，慢慢享用一份烤雞凱撒沙律、一杯Coffee已經是一日最好的放鬆。注意這裡的食物份量很大，男生吃一份沙律已經有點吃力。 但食物質素很高，食材非常新鮮，而味道也調配得清新可口，的確是令人難忘的一個SALAD。。。 地址：長洲新興街83號地下 G/F, San Hing Street, Cheung Chau Islands, HK. Facebook

成日碌碌下Facebook見到人地post d sweet sweet圖， 心諗:「點啊又post閃光彈！」口裏說不，身體卻很誠實，隻手不知不覺就秒like左。情人節就到，你今次仲唔把握機會放閃還擊，諗好點呃like未呢？未諗既不妨參考下以下呃like攻略：    1. 扮chok唔望鏡（呃like指數：★★★★) 影相唔係要下下望到個鏡頭實一實咁死板，有時嘗試下擺唔同Sweet爆pose，再揀個有Feel嘅地方做背景，閃光彈威力即刻提升十倍。自覺型男型女，可以嘗試側側身，再chok番第一次見到對方嘅甜蜜眼神，淨係個眼神就足夠令睇個位起哂雞皮啦！完全係「多少往事甜在心頭」~~~    2. 扮地道 （呃like指數：★★★） 「男人一生，只為尋覓一個肯同自己挨麥記嘅女人」是咁的：俾你揀，你話你怕偽ABC定真港女？ 我會話係怕偽ABC嘅真港女。”Omg i think呢個steak都ok，but我expect係再貴多a little bit嘅restaurant” 其實，間中食下d地道野，見到個女仔一串魚蛋、一個茶記通粉都甜到漏，真係想hashtag #好女仔！拿！有版你睇架！宋熙年陳智燊D結婚相都有架。Facebook見到都忍唔住like啦！   3. 扮旅行 (呃like指數：★★★★★) 見到人地係Facebook post旅行圖，總係會好鬼葡萄。如果係情侶嘅話，post旅行相更充分表現到關係嘅昇華，like指數一定直線飆升！   不過你又心諗:「這些機會……哪有錢」，其實唔去外地，留在香港都有平平地又有度假風情嘅地方，不妨relax下之餘又取個景呃個like，唔講真係以為我去左歐洲乜乜乜…   4. 影食物 （呃like指數：★★★★） 不論時間、地域、年齡，影食物係絕對呃到like，不過多與少就好睇你造化。下面有3個level，睇下你carry到幾多 ：   Level 1. 拎野飲 拎野住杯五顏六色嘅野飲，chill chill地度假feel出曬呢！ Level 2. 有咁高企咁高 為左影一張相可以去到幾盡？！企上張櫈影就基本啦！而若咁啱又得咁橋你另一半生得高大威猛嘅話，都可以做到相同效果嘅……     Level 3. 搵D心心形狀/愛情相關字眼既食物 情侶嘅合照本身已經夠哂閃，仲要加埋心心食物，閃得黎又帶D含蓄，兩口子賣萌無難度，係影食物最高境界，簡直殺你朋友一個措手不及：        偽文青（呃like指數：★★★★★） 情侶去飲飲食食影相，你可能會覺得好普通，但只要你為張相加入文青元素，成件事升曬呢。所謂文青元素，唔淨係要你打一段感性字句或者勁Chok樣去影相，而係用行為去展示你嘅藝術天份，就好似呢張圖咁，男人專注去完成傑作，加埋每一位「成功男人」背後都一定有嘅女人，張相嘅構圖直頭融合左「後現代藝術」同細水長流愛情結晶品！！！唔like唔得啦！   想一次過去曬5個打卡點？Hoilmood於二月推出各種長洲優惠，反應熱烈，要book要玩就要趁早！   【$750入住長洲人氣B&B + 浪漫二人德國晚餐 + 雙人田園早餐】：立即進入了解 【期間限定!】長洲食買玩coupon

不一樣的聖誕，在離島過聖誕節！ 聖誕節就到啦！仲未Book枱食飯又未諗節目？不如試下跟holimood 去離島過一個浪漫嘅二人聖誕啦！ 第一站 – 長洲 Cheung Chau 其實長洲有好多有情調又浪漫嘅海景套房，有部份更加有雙人按摩浴缸！而且長洲人氣景點、食點、小店都好多。係唔少香港人兩日一夜小旅行嘅首選。 長洲聖誕住宿預訂  而食飯方法，我地都推介以下餐廳！ U Can Cook 食評 Rainbow Cafe 食評 長洲其實有好多小清新嘅小店，好啱行成日。   其實長洲小店及食店都超多，想揾間好餐廳或揾行街攻略，可以睇下我地以往嘅介紹 第二站 – 梅窩 梅窩相較幽靜，我個亦都認為係一個較為浪漫嘅地方地。而梅窩亦都係以往大嶼山嘅中心，揾食都有唔少選擇！ 食店及行程推介 梅窩聖誕住宿推介 －海景渡假樂園 立即預訂梅窩住宿！ 第三站 – 南丫島 南丫島相信唔洗多介紹，燭光晚餐可以到BB海景餐廳又或者Hideout望住超有范的海景談談情。 而住宿方面南丫島都有唔少渡假屋可以選擇！ 南丫島渡假屋十二月仲做緊九折！ 立即預訂！ 最後一站 – 汀九 唔洗諗，懶人之選，淨係兩位Christmas Buffet 已經要過千，二千唔洗包埋海景房早餐已經算係幾扺！ 汀九帝景酒店住宿 ＋雙人酒店自助餐 ＋自助早餐 ＋聖誕糖果 ＄1588 – $2088 呢個懶人餐相信好快會Full，要訂襯早啦！ 自助餐已經準備左多款聖誕甜品！！！ 立即預訂帝景酒店！

長洲Local Choice: 華麗食店 行走長洲多時，經常都會向本地人取經，想知他們會到哪裡開餐，想知有什麼地方是平靚正。而華麗食店就係其中長洲人最常推薦之一。 長洲的粉麵有很多選擇，但要數到平靚正，呢碗雲吞麵就一定走唔甩。自家製鮮蝦雲吞配上爽口的幼面，係唔錯嘅。 港味麵檔傳統風味。 雖然店面一啲都唔似佢個店名咁華麗，但勝在價錢平！味道好！下午茶一碗鮮蝦雲呑麵都係廿二蚊！加埋啲辣椒油就係至愛嘅長洲麵食之一！下午茶啱曬??? 地址:長洲北社街61號

長洲塗鴉拉麵館－狸小路 長洲的日式餐廳不多，十月份在大新後街開了一間新的拉麵店 狸小路！ 狸小路最引人注目的就是這幅巨型玻璃塗鴉牆，慢慢看著就把我吸了入去了。 我進店後問問老闆這些塗鴉是否藝術家畫的，他答我這塗鴉牆聽說是出自一位女醫生的手筆。真是完全猜不到。而客人原來也可以在玻璃上塗鴉留念！ 店內的價錢非常親民，一般主食都是＄40-＄60，午市更有優惠套餐（＄36-40) 。 而這家拉麵店的豬骨湯（內有店內豬骨湯製作的影片）也不錯，＄40的拉麵中算是有交足功課！我們點了兩款拉麵試試，第一款就是日式豬軟骨豚骨湯拉麵。湯頭算濃郁，也不太咸，麵質不差，硬度適中。是合格之作，豬軟骨有微量騷味，但口感和味道都可以，以茶餐廳的價錢吃到這種拉麵是絕對收貨的。 而另一碗就是長洲地獄豚骨湯拉麵。湯頭有點辣，但配料就較普通，蟹柳魚蛋是主角，但是兩者都是一般貨色，豚肉跟豬軟骨應該會比較推薦！ 雖然食物質素不是令人雙眼發光，但是這?的環境舒適，工作人員超級友善，是一間充滿人情味的街坊小店！推介！ P.S 現時小店還搞送餐飲活動，只要在店內LIKE他們的FACEBOOK就可以免費獲得涷飲一杯了！ 地址：長洲大新後街144號地下 狸小路 Facebook

蠔仔粥王！ 長洲根記！ 星期四總是度秒如年的，不過看在Happy Friday 就在眼前，而Holimood又在這等收工時間為大家速遞離島情報的份上，就勉強咬緊牙關吧！ 至於圖中小鮮肉，直覺告訴我他是本地長洲人！（應該??） 老實說，發Post前，小編我都有質疑過拍攝同事這符合小鮮肉定義嗎？再不小心多口一句：我鮮過佢下化！？誰知換來「攞架黎丟」四個大字?。好吧，他真人應該是個相貌頗出眾的男生吧??！各位，下次經過長洲記得朝聖一下鮮肉順便吃碗粥喔！ 人均消費：$30-50地址：長洲海傍街2號 更多食評 

向左走還是向右走? Well……why not both? 來長洲的 must-try 系列當然少不了故鄉茶寮的紅豆餅及手卷。 紅豆餅甜度適中，有別於一般市面上入口就甜到你咳的那種糕點。紅豆粒粒分明，外層豐盈且夾雜濃郁蛋香。小編一個人下午餐時間可自啪半打紅豆餅。??? 至於手卷則有蟹柳蟹子腸仔任意組合，而且還有鰻魚選擇呢！說真的，N年前第一次被人拉來試這手卷時看到食材時真的「 下 」左聲?，沒想到咬下去時紫菜可如此脆口?、飯可如此軟韌?、食材同沙律醬可如此配合?。 題外話：遇著閒時少人的話，不妨嗌個套餐堂食吧！套餐有玄米茶添飲，仲可以慢慢較岩角度tune 岩色影相打卡扮有生活態度呢！????? 人均消費：～$50地址：長洲教堂路17號地下（東灣路旁）  

停一停●試一試 紅點 不知道你們身邊有沒有這種朋友，每餐都在計著卡路里。無論你嗌什麼食什麼，他們的開場白都是：你唔係諗住食炸髀連皮呀嗎？你知唔知多士上面D煉奶有幾多卡？其實有煉奶同無煉奶有差很遠嗎？食去左皮既炸髀會令你瘦嗎？不會！但重點是食沒有皮的炸髀，我會抑鬱……下次食極邪惡食物時，如果朋友再判官上身。切記先對他反個大白眼，緩緩地講一句 why you are so thick toast ? （回正題）咖啡是小編的最愛，但看到這裏竟然有咖啡厚多士，還要是特厚？！當然要停下試一試。店員推介我吃這裏的厚多士，端來了後真的嚇了一跳！這厚多士足足有4寸厚，剛剛炸好，彷彿油還有些滾。最喜歡的是它不會很甜，但很香，咖啡味不會蓋過多士的味道。看著放在上面的牛油慢慢地溶，心也跟著溶下去。不喜歡咖啡味地朋友不用擔心，你可選擇不同地餡料，如朱古力、椰香、花生還有香港人最愛的綠茶。地址：長洲新興街65號地下電話：2981 0303營業時間：星期一至日:08:00-21:00平均消費：＄50

長洲海鮮大排檔推介－ 平民海鮮餐 蘇波記 吃海鮮除了西貢，流浮山及南丫島索罟灣外，長洲其實也是一個好地方！ 要吃上等貨，西貢勝記及索罟灣的天虹必定滿足到你。但價錢高，我們一般的老百姓較少會吃。 而長洲海傍街的海鮮檔林立，而在眾多餐館中被長洲人推崇的就是蘇波記了。 在海傍街的選擇很多，很多一百多元就可以吃到四五個海鮮小炒！比起西貢等地便宜很多。在海傍街中蘇波記不算便宜，但＄198也能吃到一個4道小菜的二人餐！4道小菜的份量不多，大約例牌的一半份量左右。但勝在一次可以品嚐多款海鮮！兩三個人也可以品嚐多道菜式！ 豉椒蟶子，肉肥且鮮。也非常夠鑊氣！正！必食！ 今天的瀨尿蝦還有糕，實在有點喜出望外！味道也不錯！但略嫌份量較少，只有六隻。 其實蘇波記也是一間川湘菜館，用川式煮法烹調蝦球在大排檔中算是少見，蝦肉香脆，辣得也算惹味。但本人好辣，如能更辣則更佳。 最後一道咕嚕肉，甜酸得宜。炸得香脆，十分滿分有八分！ 總括來說，蘇波記性價比高，再來長洲可 ENCORE! 地址：長洲北社海傍路11C地下 星期一至日: 11:00-22:30 想接收更多本地度假 IDEA 及住宿玩樂優惠資訊， 立即 Like/Follow Holimood Facebook 同 Instagram，尋找你的假期節奏！

入夜後以為長洲是寂靜一片，誰知發現新興海傍街原來還有很多餐廳非常熱鬧，其中最吸引我們眼球的就是裝潢充滿中東情調，帶點地中海風情的 Morocco。 Morocco，名字滿有地中海色彩，但提供的卻是印度泰國菜，老闆Harry説是因為接手餐廳時店名已是Morocco，感覺長洲人對店名有感情，所以一直沒有改名字，沒想到外國人到小島開舖也有顧念到保留一些小島情懐=］ 老闆很熱情，一直在為不同顧客張羅吃些什麼，Henry為我們推介了幾款式他的拿手小菜。先來了芒果奶昔和玫瑰奶昔，兩杯奶昔酸酸甜甜，在正餐前先為我們醒醒胃。 然後是鐵板燒烤魚，魚帶咖喱及香草味，外層乾身中心軟滑，熱辣辣伴著洋蔥一起吃非常鮮美。 另外一款我們很喜歡的是香料烤雞肉咖哩 (Masala)，這款其實並非咖喱，而是一種由蕃茄、薯仔、乳酪、香草等混合而成的醬汁，味道甜而不辣；跟烤雞是一個完美的結合！ 這裡的蒜蓉烤餅做得香口鬆脆也不油膩，遠遠聞到已經令人垂涎三尺，沾上Masala一起吃是非常的惹味！ 最後是蝦醬炒飯，這個源自泰式的炒飯，在Morocco造得更精緻好味，混合肉鬆、泰式臘腸一起吃也很不錯。 蒜蓉炒西蘭花、燒豬頸肉也可一試。 Morocco已成為長洲人最愛外國餐廳，我們認為除了它的菜式做得好外，熱情好客的尼泊爾籍老闆Harry實在居功不少。誠意推薦Couple們在長洲找吃時試試Morocco，記得找Harry喔！ Morocco’s 地址：長洲新興海旁街71號地下 平均消費：$150