攝影

成日碌碌下Facebook見到人地post d sweet sweet圖， 心諗:「點啊又post閃光彈！」口裏說不，身體卻很誠實，隻手不知不覺就秒like左。情人節就到，你今次仲唔把握機會放閃還擊，諗好點呃like未呢？未諗既不妨參考下以下呃like攻略：    1. 扮chok唔望鏡（呃like指數：★★★★) 影相唔係要下下望到個鏡頭實一實咁死板，有時嘗試下擺唔同Sweet爆pose，再揀個有Feel嘅地方做背景，閃光彈威力即刻提升十倍。自覺型男型女，可以嘗試側側身，再chok番第一次見到對方嘅甜蜜眼神，淨係個眼神就足夠令睇個位起哂雞皮啦！完全係「多少往事甜在心頭」~~~    2. 扮地道 （呃like指數：★★★） 「男人一生，只為尋覓一個肯同自己挨麥記嘅女人」是咁的：俾你揀，你話你怕偽ABC定真港女？ 我會話係怕偽ABC嘅真港女。”Omg i think呢個steak都ok，but我expect係再貴多a little bit嘅restaurant” 其實，間中食下d地道野，見到個女仔一串魚蛋、一個茶記通粉都甜到漏，真係想hashtag #好女仔！拿！有版你睇架！宋熙年陳智燊D結婚相都有架。Facebook見到都忍唔住like啦！   3. 扮旅行 (呃like指數：★★★★★) 見到人地係Facebook post旅行圖，總係會好鬼葡萄。如果係情侶嘅話，post旅行相更充分表現到關係嘅昇華，like指數一定直線飆升！   不過你又心諗:「這些機會……哪有錢」，其實唔去外地，留在香港都有平平地又有度假風情嘅地方，不妨relax下之餘又取個景呃個like，唔講真係以為我去左歐洲乜乜乜…   4. 影食物 （呃like指數：★★★★） 不論時間、地域、年齡，影食物係絕對呃到like，不過多與少就好睇你造化。下面有3個level，睇下你carry到幾多 ：   Level 1. 拎野飲 拎野住杯五顏六色嘅野飲，chill chill地度假feel出曬呢！ Level 2. 有咁高企咁高 為左影一張相可以去到幾盡？！企上張櫈影就基本啦！而若咁啱又得咁橋你另一半生得高大威猛嘅話，都可以做到相同效果嘅……     Level 3. 搵D心心形狀/愛情相關字眼既食物 情侶嘅合照本身已經夠哂閃，仲要加埋心心食物，閃得黎又帶D含蓄，兩口子賣萌無難度，係影食物最高境界，簡直殺你朋友一個措手不及：        偽文青（呃like指數：★★★★★） 情侶去飲飲食食影相，你可能會覺得好普通，但只要你為張相加入文青元素，成件事升曬呢。所謂文青元素，唔淨係要你打一段感性字句或者勁Chok樣去影相，而係用行為去展示你嘅藝術天份，就好似呢張圖咁，男人專注去完成傑作，加埋每一位「成功男人」背後都一定有嘅女人，張相嘅構圖直頭融合左「後現代藝術」同細水長流愛情結晶品！！！唔like唔得啦！   想一次過去曬5個打卡點？Hoilmood於二月推出各種長洲優惠，反應熱烈，要book要玩就要趁早！   【$750入住長洲人氣B&B + 浪漫二人德國晚餐 + 雙人田園早餐】：立即進入了解 【期間限定!】長洲食買玩coupon

長洲的街角驚喜 在長洲的窄巷穿梭，偶然發現這個色彩斑斕的角落。 這幅油畫牆就在洪聖廟附近，是出自藝術家XYZ的手筆。

長洲行山 其實長洲不只是有平時大家見到嘅大魚蛋呀，各式各樣嘅平民商店或者東灣海灘，原來仲有好多香港數一數二靚嘅風景,今日就帶大家去睇下小編覺得嘅鯆魚灣啦！ 其實鯆魚灣就係長洲大名鼎鼎嘅張保仔洞隔離，離碼頭都有些少距離的，所以呢要去的話大家就要動下根骨行下路啦。 以下就係由碼頭去鯆魚灣個邊嘅路線圖，大家可以見到google話要行20分鐘，事實上又的確係要行大約20分鐘的。路線基本上係碼頭落船後轉右之後一直沿著海邊行就係啦 沿途風景都唔錯，由於離島中心比較遠的關係，沿路都比較少人 當大家沿著西堤道一直行就會見到以下牌坊，見到即係話大家沒行錯路了，沿著牌坊下面條路繼續向前行啦 之後應該會見到1個寫著張保仔路嘅路牌，轉左一直行就得啦。下條路好斜仲要上山，岩唔岩架？岩架啦行你就行啦 再行上少少你就會見到鯆魚灣啦，拿，靚唔靚先？ 另一角度 大家應該會見到下面有條路的，點行落去呢？其實大家行前少少就會見到呢個路牌，見到又係轉左就得了 呢條路有D陰森的，因為大家要係幾塊巨石下面穿過去，不過都係個句，想睇靚風景就行啦 穿過幾塊巨石下面之後，大家就落到頭先見到個條路啦！ 望返轉頭 其實小編都去過台灣墾丁，個人覺得其實長洲風景同墾丁係有得揮 大家鐘意的話仲可以走上海邊的大石的，好似前面對情侶咁, 對面個島叫石鼓洲 大家仲可以見到海灣嘅對面仲有得行的，對面的係五行石,不過要留意嘅係大家要等退潮先行到過對面，漲潮條路就會比水蓋過，所以大家留意返退潮時間啦 PS,鯆魚灣係向西的，可以睇到日落，想睇的可以自己預返時間啦