香港好去處

大埔空氣特別清新，假日約埋成班朋友/家人一齊入黎大埔食下美食，行個靚山，去大尾督欣賞下美景。Hoilmood 小編將帶你遠離煩囂，為你度身訂造一日行程，玩盡嘆盡大埔區！ 1.大埔墟熟食中心－豬排麵、魚蛋粉 大埔墟熟食中心在街市二樓，個到有不同的食肆，不同的菜式都有，例如西式焗飯、大排檔、中式點心及泰式餐廳都應有盡有……只要你說得出的菜式基本上都有的！今次小編就私心推薦幾間餐廳比大家，係小編經常去食cp值又高又味的餐廳。大家醫飽個肚先，民以食為天，食飽之後先再玩餐勁！ ＃1 世紀豬排麵 世記上海麵一直都係大埔熟食中心出名餐廳其中之一，小編建議大家早上10:00-11:00就黎食當個早餐先，通常假日都會比較多人，可能都要大約等10-15分鐘先有位坐。 豬扒夠厚身、外皮香脆有肉汁，而且唔會好厚粉。第一次食可以嘗試雙拼雞翼豬扒上海麵，另外上海麵可加炸醬這個配料，包你食過返尋味。 ＃2 洪記魚蛋粉 呢間簡直係大埔街市的魚蛋粉一哥，黎到真係要必試！但係要食到佢真係要碰碰運氣〜佢唔係每日都開的，而且每次都好多人等位。 佢的魚蛋魚片都是人手手打，所以特別彈牙足料好有魚味！炸魚皮都係獨家款自製，同你係外面餐廳食到的炸魚皮是很不同的〜 #2 大美督家樂徑－簡單行山路線推薦 食飽後可以係大埔墟乘搭75K巴士/ 20C小巴到大美督巴士總站下車，向堤壩方向步行約5分鐘，到達白普理賽馬會青年旅舍起點。行山路程只需40分鐘便可完成，路程簡單易行。 路程雖短只有1公里，但已經可以讓你飽覽4個觀景台，包括淡水湖、八仙嶺的山頭、船灣海及馬屎洲。 ＃3 大埔龍尾灘 – 水上直立板瑜珈體驗 平時鐘意keep fit做瑜珈的你，水上瑜珈你又試過未？大埔龍尾灘就有直立板瑜珈課程提供。不但可以瘦身keep fit，更可以在大海中遠離繁囂，與你和親朋好友身心都放一個假。 龍尾灘有無數嘅打卡點，包你實影到一張滿意的打卡相！課程包括保險，教練費用及基本裝備，教授基本直立板、SUP Yoga 技巧，而且大埔龍尾灘好近大美督及船灣淡水湖，路線方便，還可以感受到大埔的生態之美。 立即看： 【水上直立板瑜珈體驗 – 連教練指導】 – 直立板以及特色住宿預訂平台 ＃4 大美督BBQ 踩單車 放風箏 如果不喜歡水上活動的朋友唔緊要，行完山之後可以同朋友仔去租架家庭裝單車踩上堤壩欣賞下大美督的仙氣美景，擁抱大自然，呼吸最新鮮的空氣！仲可以係個到放風箏〜 大家玩到攰就可以同成班朋友去大美督燒烤場燒烤做個晚餐，不過呢到就要自己自備燒烤食品及用具。但出返汀角路（約步行約10-15分鐘）就可以看到幾間任食bbq的自費燒烤場，咁就唔洗煩啦〜 希望大家係疫情都唔好滅咗大家遊玩的心，同成班朋友、家人一齊入大埔跟小編的行程喪玩一日，盡慶過一個清新的週末。 查看更多：水上活動SUP yoga 直立板瑜伽戶外及運動