香港一日遊

海傍美食店 – 炸XL size 芒果糯米糍 炸XL size芒果糯米糍 $18 | 好久沒有來長洲!今次發現好多進化小食，當市區一大堆所謂長洲糯米糍，推介這裡特有的加加大炸芒果糯米糍! 外脆內軟糯，外熱內冷，口感非常的特別，整個有一隻手這麼巨大，非常喜歡! (8.5/10)

時間沖不走的夢 綿花百貨 如果你都經常到訪長洲，你必定會留意到棉花百貨這間小店，原來它已經陪伴了我們超過十年，一踏進門口還是當年那熟悉的味道。Kris 年輕時就已經愛上長洲這個小島，曾經在年輕時搬進長洲住，並在長洲開設綿花百貨，一完少女心願。轉眼間，十多年已經過去，而Kris還是當年響往自由的少女。與她的對話可以看出她的少女心還在，但郤比一般的少女多了一份對人生開悟的感覺。 如果你到過綿花百貨，可能你都會對綿花百貨這個名字感到有點莫名奇妙，因為店內是什麼都有，由戎指、項鍊、衣服到袋都有，但就見不到綿花。原來剛開店時，Kris喜歡一些特別的綿製衣品，都是一些比較有特色的中國風衣品，但隨着自己的轉變，喜歡的東西愈來愈多，最後她把自己喜愛的東西都放進這小店內售賣，其實小店應叫Kris百貨才對，但Kris也不想再改名了「反正都是百貨，哈哈！」Kris隨性的性格由此可見。 Kris 的小店夢不但沒有隨著歲月流逝，最近她更在長洲開了另一間小店，繼續向世界各地的人分享她喜愛的。 棉花百貨 地址：長洲東灣路一號 電話：2981 3222 Remember 花布貓窩 地址：長洲北社街4號地下

不一樣的聖誕，在離島過聖誕節！ 聖誕節就到啦！仲未Book枱食飯又未諗節目？不如試下跟holimood 去離島過一個浪漫嘅二人聖誕啦！ 第一站 – 長洲 Cheung Chau 其實長洲有好多有情調又浪漫嘅海景套房，有部份更加有雙人按摩浴缸！而且長洲人氣景點、食點、小店都好多。係唔少香港人兩日一夜小旅行嘅首選。 長洲聖誕住宿預訂  而食飯方法，我地都推介以下餐廳！ U Can Cook 食評 Rainbow Cafe 食評 長洲其實有好多小清新嘅小店，好啱行成日。   其實長洲小店及食店都超多，想揾間好餐廳或揾行街攻略，可以睇下我地以往嘅介紹 第二站 – 梅窩 梅窩相較幽靜，我個亦都認為係一個較為浪漫嘅地方地。而梅窩亦都係以往大嶼山嘅中心，揾食都有唔少選擇！ 食店及行程推介 梅窩聖誕住宿推介 －海景渡假樂園 立即預訂梅窩住宿！ 第三站 – 南丫島 南丫島相信唔洗多介紹，燭光晚餐可以到BB海景餐廳又或者Hideout望住超有范的海景談談情。 而住宿方面南丫島都有唔少渡假屋可以選擇！ 南丫島渡假屋十二月仲做緊九折！ 立即預訂！ 最後一站 – 汀九 唔洗諗，懶人之選，淨係兩位Christmas Buffet 已經要過千，二千唔洗包埋海景房早餐已經算係幾扺！ 汀九帝景酒店住宿 ＋雙人酒店自助餐 ＋自助早餐 ＋聖誕糖果 ＄1588 – $2088 呢個懶人餐相信好快會Full，要訂襯早啦！ 自助餐已經準備左多款聖誕甜品！！！ 立即預訂帝景酒店！

長洲小狗和服店 － My Ki Dog 狗仔衫一直係唔少狗主同狗仔扮靚最唔少得嘅一環，拜年過聖誕呢D大時大節新衫就一定唔少得。但你又見過著和服嘅狗仔未！？ 長洲呢間寵物時裝店多年來吸引左好多遠洋過海嘅狗仔黎呢道訂做和服。 My Ki Dog 除左喺狗界享負盛名外，呢個門面都係長洲一個著名景點。 鎮店之寶 KiKi 屹立呢個玻璃櫃多年，而且經常打坐禪修。入定之後完全不受塵世嘅打擾。好多遊客都會以為她是狗娃娃。所以店主Elaine特別向各位路人遊客重申KiKi是一頭貨真價實的真狗仔。 KIKI的真面目，她是長洲名符其實的明星狗。 甫踏入店內就見到好多好靚嘅和服成衣。布料源自日本，全部都是店主自家設計及縫製！！！ALL  MADE IN HK！而呢道嘅和服只係店內嘅冰山一角。 近看衣服造工非常精細，可見店主心靈手巧。 除了成衣外，Elaine也提供訂造狗仔衫的服務，所以無論係芝娃娃抑或拉布拉多都可以喺度 Shopping. 除左衫之外，店內都有好多其他狗仔嘅 accessories，好多都係好日系嘅狗仔STYLE！唔洗去日本買，黎長洲就可以！ 除左西施狗 KiKi 之外，KiKi成日都會有狗朋友黎探佢，而貴婦SaSa 就係常客，佢熟到喺舖頭入面都有佢地嘅專屬地盤。 SaSa係一隻超級嗲的貴婦，如果下次入去你要準備有一顆被佢溶化嘅心哦。 而照片牆上就掛滿了模特兒的作品，原來連畢業袍都會做！！而且是非常非常火熱的款式，下年畢業的同學記得早幾個月來長洲訂做啦！ 帶得狗仔入黎長洲，緊係要同狗仔度下假啦！而長洲都有唔少可以俾狗仔住嘅度假屋！ 地址：長洲新北社街30號地下 營業時間：不定啦 （先打電話畀Elaine查詢一下: 51354777) 網址：www.mykidog.com (已經有ONLINE STORE 啦！）

真。小清新。 賣藝 my arts 聽其名已有一陣小清新味湧出來。不似現時的手作市集，這間寄賣店除了手作味，還有一份濃濃的長洲鄉土味。 在色彩斑斕的老建築內，悠閒的氣味充斥着整個小店。在這裡你可以買到長洲人手製的ukulele、店主在世界各地搜集的生活用品以及香港手作家的作品。   雙魚圖案刻在琴身上，充滿漁村獨有的悠閒風味。 喜歡動物的你不容錯過Blue witch 英國手工陶瓷杯。全人手手繪，比一般泰國製的手工更為精細?，每隻動物都非常立體，好似識走出黎一樣！除左Safari 動物外，仲有北極熊，企鵝，河馬，雀仔，海豚?????????等等，總之你數得出嘅動物都好大機會搵到！呢隻blue witch 嘅杯簡直就係我全店嘅至愛???  而小店內也寄賣了很多不同插畫師的作品，由＄10 －$20/ 張。水準非常高，最喜歡的是TEMPHOUSE的作品！ 如果抽到時間的話，閒日到小店跟店主倆談談生活，說說閒事，好好讓靈魂放鬆一下吧。地址：長洲東灣路３號地下網址：www.facebook.com/myartscc

長洲的街角驚喜 在長洲的窄巷穿梭，偶然發現這個色彩斑斕的角落。 這幅油畫牆就在洪聖廟附近，是出自藝術家XYZ的手筆。

停一停●試一試 紅點 不知道你們身邊有沒有這種朋友，每餐都在計著卡路里。無論你嗌什麼食什麼，他們的開場白都是：你唔係諗住食炸髀連皮呀嗎？你知唔知多士上面D煉奶有幾多卡？其實有煉奶同無煉奶有差很遠嗎？食去左皮既炸髀會令你瘦嗎？不會！但重點是食沒有皮的炸髀，我會抑鬱……下次食極邪惡食物時，如果朋友再判官上身。切記先對他反個大白眼，緩緩地講一句 why you are so thick toast ? （回正題）咖啡是小編的最愛，但看到這裏竟然有咖啡厚多士，還要是特厚？！當然要停下試一試。店員推介我吃這裏的厚多士，端來了後真的嚇了一跳！這厚多士足足有4寸厚，剛剛炸好，彷彿油還有些滾。最喜歡的是它不會很甜，但很香，咖啡味不會蓋過多士的味道。看著放在上面的牛油慢慢地溶，心也跟著溶下去。不喜歡咖啡味地朋友不用擔心，你可選擇不同地餡料，如朱古力、椰香、花生還有香港人最愛的綠茶。地址：長洲新興街65號地下電話：2981 0303營業時間：星期一至日:08:00-21:00平均消費：＄50

長洲 恩記單車 單車陣絕對是離島的特色之一。Holimood已經走遍長洲為大家格過價，找到全島最平的單車舖－恩記單車。恩記所在地比較低調，可能正正是這原因他們的租金比大街的單車舖低。由碼頭開始，轉左，行5分鐘到平時搶飽山的北社里，你就會見到佢架啦！$30-50/日，價錢非常合理。有了單車以後，去邊都更方便啦！（溫馨提示：記住碼頭附近要下車，以免發生意外。）   平均消費：$30-50/日（需要按金） 地址：長州北社里40號地下

部分時間有陽光，係呀，PND講嚟緊呢幾日，襯暑假未完，快啲去多次Outing先！ 上次推介過大澳梅窩後，又有好多潮友繼續問PND，有朋友想玩過夜，但佢係世界級港女，營車、渡假屋、營…一律接受唔到。Orz咁PND就介紹吓自己幾鐘意嘅一間學生都玩得起嘅靚景酒店，同點玩先精彩啦。我真係應你地要求先搵呢個好地方。 Day1，可以去海灘、打沙排、自助餐、睇海景 想平少少，但有無敵海景，又要企理乾淨，PND覺得望汀九橋嘅《帝景酒店》幾啱潮友平玩/慶祝。做緊優惠，價錢唔貴，暑假星期六日一晚都係$698起～想要大啲嘅房幾個潮友一齊瞓都係$898、$1698、$2198(勁大房)起，離麗都灣10分鐘路程，最多可以4-5個frd一齊攬住瞓。 對比出面酒店網更正嘅係：山景房可以免費upgrade去海景房 亮點1： 全部雙人房都加梳化床，問過四人入住同一價錢，開哂啲床嚟瞓，計落都係百幾蚊一位，已經可以免費享用游泳池、gym room、xbox打機房，個package啱哂PND呢啲未玩夠嘅學生潮友。 汀九附近，可以講係與世隔絕，主要係去渡假！麗都灣個景望汀九橋望青馬大橋，由酒店行10分鐘落去，就算你只有泳衣其他咩都無帶，都可以士多買，仲帶沖身地方、沙排網等，即刻可以買番杯$25嘅菠蘿冰同$5冰菠蘿，落海灘玩水，由於沙石較多，建議潮友可以帶/買返對拖鞋！玩咗成日～咁夜晚食咩好？其實麗都灣燒烤爐得2個，雖然靚景，但都係太少地方同太遠。 亮點2： 去得酒店，即管試吓佢地嘅自助晚餐，package有餐飲優惠，自助餐又有魚生刺身、冷盤熱盤、焗蠔同埋大廚即燒bbq，仲有十幾款甜品、朱古力噴泉同Haagen-dazs任食，只係差無生蠔啦。行兩步就可以上酒店食完就瞓，食到太飽，夜啲可以去打機房租xbox玩吓，又可以去Gym，Gym完返房沖涼，對住海景玩通頂，第二朝又俾陽光與海景自然叫醒，真心爽。 Day2 出荃灣食玩買 呢次酒店package唔包早餐，都唔緊要嘅，通完頂瞓到晏一晏，落泳池遊完個靚水，就可以check out出發，酒店有免費shuttle出返荃灣/尖沙咀，如果潮友想喺荃灣醫肚再食吓，行程可以如下： Zeppelin Hot Dog（火炙芝士肉醬船）→Formosa→貓之茶房(開13:00,貓貓樂園,有聯營嘅日式便當提供,仲有蛋糕/花茶) →串皇(串燒) →亞玉豆腐花($8碗)→ 二陂坊:常滿雞煲晚餐(開17:30,早鳥)→回程 或 上天橋→荃昌中心→千千島士多店(招牌薯仔蛋拼) →印尼撈麵昌寧中心地下咖啡賞館(cake,下午茶)→回程 預訂渡假屋可參考 @holimood 或 holimood.com.hk 一次過可以睇哂營車、營、部分酒店同渡假屋，同訂埋，夠方便，上癮了，亮點係呢度有出面無嘅房型。 優惠期截至2015年12月31日為止。 #PNDouting #PND荃灣 #pnd主題活動 A video posted by PND純粹分享•愛玩愛食•只此Account (@hkplayndine) on Aug 17, 2015 at 6:13am PDT

梅窩 – 海景海鮮悠閑假期！ 通常我們想起離島渡假便會想到長洲或是南丫島，但如果你想過一個較悠閑、安靜和「唔會咁逼」的假期的話，我們就會建議梅窩了！ 知道梅窩的「海景渡假樂園」在年前重新裝修，所以便決定要到梅窩試試這個新渡假點，順便過了一個悠閑的假期。 梅窩屬於大嶼山一部份，除了可在青衣、東涌等地方乘車前往外，還可以選擇在中環乘搭渡輪前往，時間大概是30至45分鐘。 來都梅窩了！感覺真的和長洲很不同呢！一下船便看遼闊的沙灘，人很少呢！在香港應該好少可以看到這麼少人的沙灘，超難得呢！今天梅窩的沙灘是我們的了！ 由碼頭行了大約15分鐘，便來到目的地「海景渡假樂園」了！裝修後的樂園非常新淨，由接待處到房間都給人一個很乾淨、整齊、舒適的感覺。 我們入住的是套房，房間的顏色以白色為主調，有兩幅大玻璃窗，光線充足，又配以綠色和橙色的沙化和咕口臣，增加房間的温暖感，有點家的感覺。 房間分為三部分，第一部分是一個小廳，有一小茶几和沙化牀，可以坐下看電視聊天，太累又可把沙化變成牀，躺在上面已經不想出去了！ 第二部分是一張雙人床，床褥軟硬適中，也頗舒服呢！第三部分是浴室及洗手間，淋浴露、洗頭水、牙膏牙刷等酒店設備一應俱全，還有女士必須的風筒呢。 房間亦設有雪櫃和夾萬，有需要亦可使用。 安頓後，我們出發去食海鮮了！(稍後再詳細介紹） 晚上的梅窩超舒服呢！吃海鮮過後，我們便買着啤酒和汽水到沙灘吹吹海風。 走着走着竟然發現前面有一堆牛！也太可愛了吧！這個景象為梅窩增添了一份親近大自然的氣息！ 沙灘附近有不少外國人在燒烤，播著音樂，梅窩突然熱鬧起來！回到酒店，又看到不少住客在燒烤，看來大家都很喜歡梅窩這種悠閒的感覺。 梅窩海景渡假樂園 地址：香港大嶼山梅窩東灣頭路11號 訂房資訊： http://holimood.com.hk/search.php#O_75071.SO_BM.D_70723_所有地點