酒店 Staycation

帝景酒店 – 180度海岸假期！   帝景酒店位於清幽的汀九灣，地點清幽盡享180度全海景景致，享盡豪華房間設備及完備會所設施， 絕對是放假輕鬆享樂的好去處。 「好悶呀成日淨係出街，有無新野玩？」「去Camp啦！」「中學雞先去離島Camp喎…!」「邊個話去離島咁簡單，係去香港既Miami！」「下..?」沒錯，帝景酒店的房間套票價錢實惠，絕對不比離島渡假屋去camping貴上很多，所以也是個放假的好選擇！ 十分喜歡汀九、麗都灣附近幽靜美麗的海景，所以當知道帝景酒店推出了海景套房的優惠時，便趁著長假期來這裏放上一個兩日一夜的假期。帝景酒店就在荃灣與深井的中心點，由荃灣市中心乘酒店穿梭巴士只需十分鐘便可到達。 進入房間，你會發現這裏比一般的酒店房更寛敞，設備更為齊全。 因為在推廣期(2015年9月至10月）內，所以被免費升級多了海景套房！房間有兩間睡房、空間感十足的客廳，以及露台。 看看這個睡房，窗外的的是180度的美麗海景，一覺睡醒時絕對令你捨不得下床。 推開門走出露台，你可以俯瞰整個汀九村及汀九灣，感覺這個灣岸有點像邁阿密的小海灣。在露台上曬曬太陽放鬆一下吧。 在房間看電視休息一下會又是個很好的慵懶活動。 下午時份趁著時候尚早我們去了深井吃了個Tea。要去深井也十分容易，在酒店乘5分鐘巴士便到了！我們試了這個粒粒朱古力西多士，哈哈！ 在深井的超市買了些材料回酒店，準備動手煮晚餐！帝景酒店的廚房的設施很齊備，要自己預備晚飯也是件容易的事！ 飯後我們選擇了到健身室去做做運動好好鍛練。打打拳也很不錯呢。喜歡的話也可以到泳池去游泳。 如果比較傾向靜態活動的話，你也可以去遊戲房去打打電玩或益智遊戲。 夜幕低垂後的汀九灣更寧靜可愛，同意嗎？ 想來個特別假期的Couple們可以到帝景酒店來個短暫的Vacation呀！ 帝景酒店 地址：青山公路汀九段353號 套票價錢：$698山景房 訂房資訊：http://holimood.com.hk/search.php#SO_PLH.D_74869_%E8%8D%83%E7%81%A3 備注：推廣期(2015年9月至10月）內，免費升級海景套房！加$600仲可以食埋自助餐（2位）！

部分時間有陽光，係呀，PND講嚟緊呢幾日，襯暑假未完，快啲去多次Outing先！ 上次推介過大澳梅窩後，又有好多潮友繼續問PND，有朋友想玩過夜，但佢係世界級港女，營車、渡假屋、營…一律接受唔到。Orz咁PND就介紹吓自己幾鐘意嘅一間學生都玩得起嘅靚景酒店，同點玩先精彩啦。我真係應你地要求先搵呢個好地方。 Day1，可以去海灘、打沙排、自助餐、睇海景 想平少少，但有無敵海景，又要企理乾淨，PND覺得望汀九橋嘅《帝景酒店》幾啱潮友平玩/慶祝。做緊優惠，價錢唔貴，暑假星期六日一晚都係$698起～想要大啲嘅房幾個潮友一齊瞓都係$898、$1698、$2198(勁大房)起，離麗都灣10分鐘路程，最多可以4-5個frd一齊攬住瞓。 對比出面酒店網更正嘅係：山景房可以免費upgrade去海景房 亮點1： 全部雙人房都加梳化床，問過四人入住同一價錢，開哂啲床嚟瞓，計落都係百幾蚊一位，已經可以免費享用游泳池、gym room、xbox打機房，個package啱哂PND呢啲未玩夠嘅學生潮友。 汀九附近，可以講係與世隔絕，主要係去渡假！麗都灣個景望汀九橋望青馬大橋，由酒店行10分鐘落去，就算你只有泳衣其他咩都無帶，都可以士多買，仲帶沖身地方、沙排網等，即刻可以買番杯$25嘅菠蘿冰同$5冰菠蘿，落海灘玩水，由於沙石較多，建議潮友可以帶/買返對拖鞋！玩咗成日～咁夜晚食咩好？其實麗都灣燒烤爐得2個，雖然靚景，但都係太少地方同太遠。 亮點2： 去得酒店，即管試吓佢地嘅自助晚餐，package有餐飲優惠，自助餐又有魚生刺身、冷盤熱盤、焗蠔同埋大廚即燒bbq，仲有十幾款甜品、朱古力噴泉同Haagen-dazs任食，只係差無生蠔啦。行兩步就可以上酒店食完就瞓，食到太飽，夜啲可以去打機房租xbox玩吓，又可以去Gym，Gym完返房沖涼，對住海景玩通頂，第二朝又俾陽光與海景自然叫醒，真心爽。 Day2 出荃灣食玩買 呢次酒店package唔包早餐，都唔緊要嘅，通完頂瞓到晏一晏，落泳池遊完個靚水，就可以check out出發，酒店有免費shuttle出返荃灣/尖沙咀，如果潮友想喺荃灣醫肚再食吓，行程可以如下： Zeppelin Hot Dog（火炙芝士肉醬船）→Formosa→貓之茶房(開13:00,貓貓樂園,有聯營嘅日式便當提供,仲有蛋糕/花茶) →串皇(串燒) →亞玉豆腐花($8碗)→ 二陂坊:常滿雞煲晚餐(開17:30,早鳥)→回程 或 上天橋→荃昌中心→千千島士多店(招牌薯仔蛋拼) →印尼撈麵昌寧中心地下咖啡賞館(cake,下午茶)→回程 預訂渡假屋可參考 @holimood 或 holimood.com.hk 一次過可以睇哂營車、營、部分酒店同渡假屋，同訂埋，夠方便，上癮了，亮點係呢度有出面無嘅房型。 優惠期截至2015年12月31日為止。 #PNDouting #PND荃灣 #pnd主題活動 A video posted by PND純粹分享•愛玩愛食•只此Account (@hkplayndine) on Aug 17, 2015 at 6:13am PDT