Holimood

懷舊風味 – 新照記 因為傳媒的大量報導，作為羊群一員的我當然不免俗地來了長洲的新照記尋找回憶中的糕點，購買期間跟新照記的婆婆及姐姐們有了以下的對話： 我：「你哋成日都好多雜誌介紹，好出名喎，我朋友好鍾意食你啲芝麻糕架。」 婆婆不忍失笑：「其實我哋開左十幾廿年，係呢幾年先多人識咋嘛。」 我：「你哋除咗啲糕之外，聽講啲特大雞脾，$25 一隻嗰啲都好出名架喎！」 姐姐繼續說：「啲雞脾賣咗咁多年都無人講，係呢排先多人嚟買，其實咪又係嗰啲雞脾。其實啲野好唔好食係啲人寫出黎咋嘛。」 那一刻我完全醒過來，簡直一言驚醒夢中人。當我驚魂未定之際，也不忘買糕點回去孝敬父母。 於是我就再問：「咁你覺得你呢度最好味係乜嘢呢？」 姐姐猶疑了兩秒，指著以下的芋頭糕。 由食物說到度假屋，東灣路多年的變遷，還有我家鄉的芋頭糕。不知不覺間便花了十多分鐘來買兩件簡樸的芝麻糕。 新照記其實除左芝麻糕外，仲有紅荳糕、桂花糕、馬豆糕、綠豆糕、南瓜糕、馬蹄糕、紫米糕……總之都係懷舊系列的糕點。   齒頰間留下的味道不只是甜味，是古早味。糕點的味道不是我此行的重點，而是尋找童年所吃過的﹑慢慢被時間沖淡的味道。 地址：長洲東灣道18號 電話：2986 9006

時間沖不走的夢 綿花百貨 如果你都經常到訪長洲，你必定會留意到棉花百貨這間小店，原來它已經陪伴了我們超過十年，一踏進門口還是當年那熟悉的味道。Kris 年輕時就已經愛上長洲這個小島，曾經在年輕時搬進長洲住，並在長洲開設綿花百貨，一完少女心願。轉眼間，十多年已經過去，而Kris還是當年響往自由的少女。與她的對話可以看出她的少女心還在，但郤比一般的少女多了一份對人生開悟的感覺。 如果你到過綿花百貨，可能你都會對綿花百貨這個名字感到有點莫名奇妙，因為店內是什麼都有，由戎指、項鍊、衣服到袋都有，但就見不到綿花。原來剛開店時，Kris喜歡一些特別的綿製衣品，都是一些比較有特色的中國風衣品，但隨着自己的轉變，喜歡的東西愈來愈多，最後她把自己喜愛的東西都放進這小店內售賣，其實小店應叫Kris百貨才對，但Kris也不想再改名了「反正都是百貨，哈哈！」Kris隨性的性格由此可見。 Kris 的小店夢不但沒有隨著歲月流逝，最近她更在長洲開了另一間小店，繼續向世界各地的人分享她喜愛的。 棉花百貨 地址：長洲東灣路一號 電話：2981 3222 Remember 花布貓窩 地址：長洲北社街4號地下

不一樣的聖誕，在離島過聖誕節！ 聖誕節就到啦！仲未Book枱食飯又未諗節目？不如試下跟holimood 去離島過一個浪漫嘅二人聖誕啦！ 第一站 – 長洲 Cheung Chau 其實長洲有好多有情調又浪漫嘅海景套房，有部份更加有雙人按摩浴缸！而且長洲人氣景點、食點、小店都好多。係唔少香港人兩日一夜小旅行嘅首選。 長洲聖誕住宿預訂  而食飯方法，我地都推介以下餐廳！ U Can Cook 食評 Rainbow Cafe 食評 長洲其實有好多小清新嘅小店，好啱行成日。   其實長洲小店及食店都超多，想揾間好餐廳或揾行街攻略，可以睇下我地以往嘅介紹 第二站 – 梅窩 梅窩相較幽靜，我個亦都認為係一個較為浪漫嘅地方地。而梅窩亦都係以往大嶼山嘅中心，揾食都有唔少選擇！ 食店及行程推介 梅窩聖誕住宿推介 －海景渡假樂園 立即預訂梅窩住宿！ 第三站 – 南丫島 南丫島相信唔洗多介紹，燭光晚餐可以到BB海景餐廳又或者Hideout望住超有范的海景談談情。 而住宿方面南丫島都有唔少渡假屋可以選擇！ 南丫島渡假屋十二月仲做緊九折！ 立即預訂！ 最後一站 – 汀九 唔洗諗，懶人之選，淨係兩位Christmas Buffet 已經要過千，二千唔洗包埋海景房早餐已經算係幾扺！ 汀九帝景酒店住宿 ＋雙人酒店自助餐 ＋自助早餐 ＋聖誕糖果 ＄1588 – $2088 呢個懶人餐相信好快會Full，要訂襯早啦！ 自助餐已經準備左多款聖誕甜品！！！ 立即預訂帝景酒店！

【長沙聖誕派對】戶外露營包「燒烤食物篇」 剛推出的暖氣南非營住宿計劃反應踴躍，Holimood 亦收到大量有關食物安排的查詢。真的，出發前做足準備可以慳很多時間功夫！身為派對軸心人物的你，怎可能為準備食物而搞到自己顧此失盼呢?真是想下頭都大曬。 幸好現在這個套餐非常貼心，包有一晚住宿，還安排埋bbq食物呢！你要做的，就是盡情enjoy the party！ FAQ 1: 燒烤套票有什麼食物呢？ 基本的燒烤食物已包了在這個燒烤套票，主要有什麼呢？（吸大啖氣唸）有： 法式麵包、雞翼、德國大肉腸、豬排骨、燒汁牛扒、魷魚、青口、魚旦、紅腸、栗米、金菇、什菇、薯角…… 食品種類會因市場需求有所調整的喔！ 另套票亦包每人罐裝汽水乙個，即棄紙碟、餐具及燒烤炭。調味料還有: 蜜糖、鹽、黑椒、蒜蓉等。 FAQ 2: 食物份量夠的嗎? 食物份量都是按人數安排的，不過如果同行有人食量異於常人，或你想加料的話可以去東涌附近行個快轉。 作為新發展市鎮，東涌的發展似乎還有點慢，居民要買餸都不外乎那兩三個地方。 要數價廉物美的話一定是富東商場那邊，去完富東再去東薈城的Taste看看有什麼漏了就對。 一出東涌站A出口, 行過天橋就來到富東廣場，這個廣場有大昌、759、同地下街市，大大小小的實惠點的小店都可找到。 第1站：大昌食品專門店 (東涌富東商場1 樓 116號舖) 必買：入口的急凍海產、半醃製的各款豬、牛、雞。 第2站：萬有街市 – 富東邨 (東涌富東商場地下) 必買：各類蔬菜、新鮮游水生猛海鮮 (扇貝、蟶子、魚蝦蟹等…如果買貝類如花甲等記得問清楚是否已吐了沙) 第3站：Taste 東薈城B1-B10舖 必買：飲料、零食、個人護理用品、即棄餐具、裝飾佈置等等。 買完少少海鮮、乾糧、飲料後，就由小編我帶領大家入營了喔！明明已經有很多東西沒有帶、沒有買，不知怎地就是舉步維艱。所以別妄想全部食物都自己買入營。最好安排就是在營地訂燒烤套票，然後自己再買點海鮮就入去。 因為計返條數，又要買、搬、洗、入到營又要冷藏租冰種、租爐買炭……而且你的精叻Friend 一定會在最後食的一刻才出現,。（想要哭了） 一到營地，職員就好熱心地幫我們將所有行李家當放上運輸車上。 雖然只是一段路而已，但不用出力真的感覺太好。 很快就去到我們住的營屋了！ 下圖為營地為我們準備當晚８人量的食物。 由於當晚太多大食怪，所以在街市買了些海鮮入去。 佈置完營屋再拍些表情生硬的照片後，已差不多入黑了。 大約６點多，營地職員就會來幫你起爐。 然後就在小鳳姐的喜慶洋洋下，我們的派對亦開始了。來一點花絮: 祝大家聖誕節快樂! 暖氣豪華南非營屋+自助燒烤晚餐套票 ***冬季時段(11月至2月份)限定優惠**** 活動代用劵套票包括: -可使用本中心更多水上活動，包括滑浪風帆，直立式滑浪板及軟身滑浪, 淺水衝浪板 (木板/纖維), 人體衝浪板,及兒童蹦跳床設備 -使用本中心貯物及熱水沖身 -可享有浪高長岸特定自助燒烤晚餐一份，燒烤套餐按照四人,六人或八人份量，如額外人士需另購附加代用券以便同時享用套票之優惠. -燒烤晚餐食物由浪高長岸提供，美食包括：法式麵包、雞翼、德國大肉腸、豬排骨、燒汁牛扒、魷魚、青口、魚旦、紅腸、栗米、金菇、什菇、薯角以及更多…(請注意食品種類或會因市場需求有所調整) -燒烤晚餐包括每人罐裝汽水乙個，即棄紙碟、餐具及燒烤炭 (四人營包括1包炭，六人和八人營包括2包炭，如須額外可於本店購買) -免費享用豪華南非營屋一晚 套票價錢 （除番每位都閒日都係＄3XX，假期都係＄4XX，淨係唔洗抬野入去 同 個五星級Campsite已經值回票價，而家仲有一個好正嘅BBQ package! 真係好扺！！真係聖誕出去唔知食D乜都分分鐘唔止呢個價） 人數 星期日至四 星期五、六及公眾假期前夕 4 1596 1996 5 1946 2396 6 2370 2930 7 2720 3330 8 3040 3680 9 3390 4080 10 3740 4480 南非營屋配備豪華睡墊、木製的地板、燈、傢俬、冷氣設備以及完善的儲物和公用衛浴配套。(三至四人可共享一個儲物櫃) 露營愛好者可自攜睡袋。營地同時亦為客人提供便利,…

東灣品茗 漁雁軒 不尋常的茶莊。這是長洲的漁雁軒 Yuandme。下圖正是他營業時的模樣。 門是半掩，門外掛著一個營業中的牌子，充滿著神秘感，入店後的顧客需繼續半掩大門保持店內幽靜的氣氛。由於店內不準拍攝，我無法在這裡揭開店內神秘的面紗。但這裡的佈置非常別緻，頗富現代美感。一點也不像一般的茶莊，恰似一所售賣精品的茶居。店內面積不大，在店的盡頭擺放了一張小茶几。是用作泡茶及客人試茶的。 逛了一會，很快就看見店內的主人Lily。Lily是一位脫俗清秀的女士，優雅之餘亦非常懂中國文化，尤其是中國的茶道。店內賣的多數是雲南的普洱，有青茶也有黑茶，而我非常有幸可以在小茶几上品嚐到 Lily 泡的廿年陳年普洱，非常之厚而甘醇。這裡不似一些學泡茶的地方，Lily 把這個地方看作為一個與人分享對茶的地方。Lily 學識非常淵博，跟她喝喝茶，聊聊天就不知不覺過了兩個小時，過了一個十分寫意的下午。 如果對茶文化或者Lily 姐姐有興趣，不妨過來碰碰運氣。（不定時開門，長洲的小店很多都是這樣，哈哈） 漁雁軒除了中國茶外，也有日本茶和有機香梘等健康生活用品。 最後送上小店的招牌貨。 地址：長洲東灣路2號 電話：29818432

Sawadee Club 長洲小手信之選 Sawadee Club 一聽就知道是一間主打泰式手工藝品的小店。主打泰式手工平安手繩，衣飾，拖鞋。 小店主打嘅平安手繩全部由泰國入口，老闆話沖涼游水都唔會甩色，同大陸貨無得比。價錢由＄6至＄10 咁多年都無加過價，仲要有過百款可以慢慢揀。 黎到長洲一定要買番條，極有小島風情。 但 Sawadee Club 令我最難以忘懷嘅唔係又平又靚嘅手繩，而係鎮店之寶”肥老闆”。 小店入面全部貨品都係肥老闆定期到泰國親手揀選。而佢嘅服務更加係獨步長洲。 無錯，就係以肥老闆專業嘅Fashion Sense 幫你襯色。只要一俾佢望到你嘅膚色，佢就可以用九秒九嘅時間幫你搵到條至Match 你嘅平安手繩。 老闆見我黑黑實實，兩下就拎左條充滿巴西風情嘅手繩幫我帶起。陽剛味即時提升十倍。 除左襯手繩，肥老闆襯衫都頗有心德。而佢手持嘅呢件就係泰國入口嘅純綿T-shirt, 老闆叫我摸摸衣料，果然一如佢所講很柔，很白，很舒服。 同HXM 嘅 T-Shirt 真係有分別，佢仲拍曬心口話呢D衫唔焗唔起粒，國貨無得比。可惜當日見唔到有啱我Size, 如果唔係我都已經買番件。 而老闆手上呢隻拖鞋亦唔係一般嘅拖鞋。傳說有好多番頭客特登番黎買。你地又見唔見到有D乜野特別呢？哈哈。 唔止男裝，女裝都有，其實成間舖D野都非常沙灘feel! 連民族袋款同背囊都有得賣，價錢都好抵！入長洲記得黎探下肥老闆啦！ 莎嘩哋Club Sawadee Club 地址：長洲新興街69號地下 電話：97484846

冬日露營 新玩法 ! 暖氣南非營 燒烤Party ! 啱啱過完農曆年長假期，復活節長假又就到！holimood 決定再帶大家黎我一個 “我的少女時代” 式嘅露營燒烤派對！ 電影式嘅露營場景其實並唔係無可能喺現實發生！今年holimood 就推出左一個暖笠笠嘅露營燒烤 Package 俾大家時光倒流，回味一下那些年。 今次嘅冬日優惠由現時去到明年二月（現加長至五月）！Package 主要分為三部份！露營＋野餐＋活動 第一Part 豪華露營住宿！營嘅Size 由四人至十人營都有！全部唔需要自己Set營，仲鋪晒木地板！最重要嘅係冬天仲有暖氣丫同熱水沖涼！！！怕涷唔敢去露營嘅你就啱晒！（試過部暖氣真係好強，可以暖到出汗） 稍為佈置一下已經超級有聖誕氣氛！！！ 第二Part！BBQ套餐，Campsite 嘅BBQ餐一啲都唔馬虎！食物質素非常高。美食包括 法式麵包、雞翼、德國大肉腸、豬排骨、燒汁牛扒、魷魚、青口、魚旦、紅腸、栗米、金菇、什菇、薯角等等。 德國大肉腸同個RIBS真係非常正，大家一定要試！ 除左BBQ外，朝早亦可以租借多一次炭爐來個早餐盛宴！ 黎得露營，唔玩下野火煮食又點似樣，即場黎個炭火烤肉腸、蕃茄、蘑菇及炒蛋，配上Special K，茄汁焗豆，啤梨仲有卡邦尼意粉！簡直perfect 池。 要煮早餐就記得自備煮食鍋具啦！（場地不設鍋具租借及因安全理由不能使用自攜煮食爐，要煮早餐就緊記入營時向營地職員租借額外三小時炭火燒烤爐哦！）而營地附近都有士多可以補充一下食材，牛奶、涷肉、罐頭、零食、汽水啤酒乜都有！ 第三Part，除左BBQ外，其實Campsite仲可以免費玩水上活動！包括滑浪風帆，直立式滑浪板及軟身滑浪, 淺水衝浪板 (木板/纖維), 人體衝浪板,及兒童蹦跳床設備（一般好天嘅話二十度左右都好多人玩水！三月份嘅週未其實已有好多人入黎玩水！想提早感受夏天嘅魅力又唔想同人逼就啱晒）如果天氣仲涼就可以喺沙灘同靚靚Campsite道玩下Group Game 同影下靚相。喺水清沙幼嘅長沙沙灘影番輯私影實在係唔少人嘅Dream, 記得帶多張Memory Card 先好入黎。 小朋友仲可以玩跳彈床！ 暖氣豪華南非營屋+自助燒烤晚餐套票 活動代用劵套票包括: -可使用本中心更多水上活動，包括滑浪風帆，直立式滑浪板及軟身滑浪, 淺水衝浪板 (木板/纖維), 人體衝浪板,及兒童蹦跳床設備 -使用本中心貯物及熱水沖身 -可享有浪高長岸特定自助燒烤晚餐一份，燒烤套餐按照入住人數份量調整 -燒烤晚餐食物由浪高長岸提供，美食包括：法式麵包、雞翼、德國大肉腸、豬排骨、燒汁牛扒、魷魚、青口、魚旦、紅腸、栗米、金菇、什菇、薯角以及更多…(請注意食品種類或會因市場需求有所調整) 燒烤晚餐包括每人罐裝汽水乙個，即棄紙碟、餐具及燒烤炭 (四人營包括1包炭，六人和八人營包括2包炭，如須額外可入營後購買) 免費享用豪華南非營屋一晚 南非營屋配備豪華睡墊、木製的地板、燈、傢俬、冷氣設備以及完善的儲物和公用衛浴配套。(三至四人可共享一個儲物櫃) ***冬季時段(11月至2月份)限定優惠*** 人數 星期日至四 星期五、六及公眾假期前夕 4 1596 1996 5 1946 2396 6 2370 2930 7 2720 3330 8 3040 3680 9 3390 4080 10 3740 4480 ***加推春季時段(3月至5月份)優惠*** 人數 星期日至四 星期五、六及公眾假期前夕 4 1890 2575 5 2290 3055 6 2800 3599…

長洲Local Choice: 華麗食店 行走長洲多時，經常都會向本地人取經，想知他們會到哪裡開餐，想知有什麼地方是平靚正。而華麗食店就係其中長洲人最常推薦之一。 長洲的粉麵有很多選擇，但要數到平靚正，呢碗雲吞麵就一定走唔甩。自家製鮮蝦雲吞配上爽口的幼面，係唔錯嘅。 港味麵檔傳統風味。 雖然店面一啲都唔似佢個店名咁華麗，但勝在價錢平！味道好！下午茶一碗鮮蝦雲呑麵都係廿二蚊！加埋啲辣椒油就係至愛嘅長洲麵食之一！下午茶啱曬??? 地址:長洲北社街61號

長洲小狗和服店 － My Ki Dog 狗仔衫一直係唔少狗主同狗仔扮靚最唔少得嘅一環，拜年過聖誕呢D大時大節新衫就一定唔少得。但你又見過著和服嘅狗仔未！？ 長洲呢間寵物時裝店多年來吸引左好多遠洋過海嘅狗仔黎呢道訂做和服。 My Ki Dog 除左喺狗界享負盛名外，呢個門面都係長洲一個著名景點。 鎮店之寶 KiKi 屹立呢個玻璃櫃多年，而且經常打坐禪修。入定之後完全不受塵世嘅打擾。好多遊客都會以為她是狗娃娃。所以店主Elaine特別向各位路人遊客重申KiKi是一頭貨真價實的真狗仔。 KIKI的真面目，她是長洲名符其實的明星狗。 甫踏入店內就見到好多好靚嘅和服成衣。布料源自日本，全部都是店主自家設計及縫製！！！ALL  MADE IN HK！而呢道嘅和服只係店內嘅冰山一角。 近看衣服造工非常精細，可見店主心靈手巧。 除了成衣外，Elaine也提供訂造狗仔衫的服務，所以無論係芝娃娃抑或拉布拉多都可以喺度 Shopping. 除左衫之外，店內都有好多其他狗仔嘅 accessories，好多都係好日系嘅狗仔STYLE！唔洗去日本買，黎長洲就可以！ 除左西施狗 KiKi 之外，KiKi成日都會有狗朋友黎探佢，而貴婦SaSa 就係常客，佢熟到喺舖頭入面都有佢地嘅專屬地盤。 SaSa係一隻超級嗲的貴婦，如果下次入去你要準備有一顆被佢溶化嘅心哦。 而照片牆上就掛滿了模特兒的作品，原來連畢業袍都會做！！而且是非常非常火熱的款式，下年畢業的同學記得早幾個月來長洲訂做啦！ 帶得狗仔入黎長洲，緊係要同狗仔度下假啦！而長洲都有唔少可以俾狗仔住嘅度假屋！ 地址：長洲新北社街30號地下 營業時間：不定啦 （先打電話畀Elaine查詢一下: 51354777) 網址：www.mykidog.com (已經有ONLINE STORE 啦！）

小島生活美學－島中坊研   島中坊研 Island Workbench 。聽到這個名字你會想起什麼？ 原來這個品牌是由兩位長洲原居民設計師創立的品牌。專門售賣自家創作的生活單品。而創作概念很多時都是有關他們的家−長洲。 而這裡就是他們在長洲的小店了。小店門外放滿了盆栽，採用白色為主調的外牆，很有現代日式盆景風格，清新自然。小店面積不太，大約只有二百多呎，但除了擺放滿了他們的作品外，還有其他朋友的寄賣貨物。最重要的是這裡還是一個迷你工場。 店主Amy 就在迷你工場不停密密織。又要招呼客人和我這個閒人，要做到這樣氣定神閒，少兩年功夫也難以入到Amy 這種境界。 可能很多小清新都見過Amy 及 Steven（另一店主），因為他們除了在長洲開店外，還會經常遊走各大市集。比較少到長洲逛的朋友都可以在各大市集碰碰運氣！見到他們不妨過去跟他們SAY HI! 因為他們真的很NICE，支持一下本地設計師吧！ 接着下來是作品巡禮環節： 鹽花袋的概念很明顯取自長洲漁村，是人手絲印鹽花的紋理於厚實帆布上，再使用真皮皮革繩子，負載重物耐用不易斷。而用於肩膊上的真皮肩帶也能令你背得舒適可靠。 由店主親自示範。 這種袋很有趣，正是AMY在織的那一款袋，是撕開恤衫的布料然後慢慢織成。 」 原來有時他們還會辦WORKSHOP！！！很想參加吧？ 除了自家製，還有不少寄賣工藝品。 地址:長洲新興後街2號 （長洲的街道很難搞懂，其實在國民路） 電話號碼:5480 6627 Facebook